Gidarien betebehar orokorrak:

1. 4. art.) Gidatzeko moduari eta abiadurari erreparatzea, beti.
2. (40. art.) Ibilgailua gelditzeko gai izatea ikuseremuaren barruan, gerta daitekeen edozein inguruabarren aurrean
3. Oinezkoen pasabideak errespetatzea, beti. Arreta jartzea, irizpide orokor gisa, ustekabekoei aurre egin ahal izateko. (41-b eta 41-e art.)
4. Abiadura egokitzea galtzadatik doazen bizikleten abiadurara. Ez jazarri. (26-2 eta 41-b art.)
5. Bizikletak aurreratzeko beste erreia erabili beharko da, eta bakarrik aurreratzen ahalko da 2 errei daudenean. (26-3 art.)
6. 41-e art. Abiadura moteltzea:

Gidatzeko moduari eta abiadurari erreparatzea, beti.

Ibilgailu baten gidariek (kontzeptu honetan bizikletak ere sartzen dira) betebehar dute beren mugimendu-askatasunari, beharrezko ikuseremuari eta gidatzeko etengabe arreta emateari eustea, betiere beren segurtasuna eta bideko gainerako erabiltzaileena bermatze aldera.

Xede horretarako, bereziki zaindu beharko du jarrera egokia edukitzea eta gainerako bidaiariek ere eduki dezatela, bai eta garraioan daramatzan animaliak zein objektuak egoki kokatzea ere, gidarien eta besteen artean interferentziarik egon ez dadin.

Gelditzea eta aparkatzea

• Ibilgailua gelditzean edo aparkatzean ez dira oztopatuko ez zirkulazioa ezta pertsonen joan-etorriak ere.
• Debeku da oinezkoen pasabideen aurreko 5 metroetan aparkatzea.
• Gelditzea da jendea hartu nahiz uzteko edo zamalanak egiteko ibilgailua ibilgetzea, 2 minutu baino gutxiagoz, gidaria ibilgailutik atera gabe.
• Aparkatzea da ibilgailu bat bi minutu baino gehiagoan ibilgetzea, betiere zirkulazioaren beharrak eraginda ez bada.